SERIKALI YA TANZANIA YATAKA MADEREVA 8 WALIOTEKWA NCHINI DRC KUACHIWA HURU

Mamlaka nchini Tanzania imetaka madereva wanane waliotekwa nyara nchini Jamhuri ya Kidemokrasia ya Congo DRC waachiwe huru. 

Jumatano wiki hii, waasi wa kundi la Mai Mai walio nchini DRC walichoma moto malori 8 kutoka Tanzania na mengine 4 kutoka Kenya na kuwateka madereva wa malori hayo katika eneo la Namoya mkoani Kivu. 

Msemaji wa wizara ya mambo ya nje nchini DRC Bi. Mindi Kasiga amesema, serikali za Tanzania na DRC zinajitahidi kuhakikisha kuwa mateka hao wanaachiwa huru wakiwa salama na kurudishwa Tanzania.

Mwaka jana mashehe wanane kutoka Tanzania waliotekwa nchini DRC walifanikiwa kuokolewa kutokana na juhudi za pamoja za serikali za nchi hizo mbili.