RAIS MAGUFULI APONGEZWA KWA KURUDISHA NIDHAMU KWA WATUMISHI.

CHAMA cha Mapinduzi, CCM, wilaya ya Arusha, kimempongeza  Rais Dakta John Magufuli, kwa  kazi anzozifanya tokea achaguliwe kushika wadhifa huo Oktoba 2015 na kuonyesha dhamira yake ya kweli ya kuwatumikia wananchi bila ya ubaguzi, upendeleo katika kuharakisha maendeleo ya taifa.

Tamko la kamati ya siasa ya halmashauri kuu ya CCNM, wilaya lililotolewa na Katibu mwenezi wa Wilaya ya Arusha, Jasper Kishumbua, limesema kwa kipindi kifupi rais Magufuli, amerejesha heshima na nidhamu kwa watumishi na watendaji wa serikali.

Tamko hilo limesema rais, amewezesha kuongezeka kwa mapato ya serikali kutoka shilingi milioni 900 kwa mwezi hadi kufikia shilingi Trioni 1.04 kwa mwezi hayo ni mafanikio makubwa katika kipindi kifupi cha uongozi wake.

Kuhusu ahadi, za rais, tamko hilo limesema kuwa rais Magufuli ambae pia ni mwenmyekiti wa Chama cha Mapinduzi, amekuwa ni kiongozi wa aina yake kwa kutekeleza ahadi mbalimbali alizozitoa wakati wa kampeni Amezitaja baadhi ya ahadi hizo kuwa ni pamoja na kununuliwa ndege mpya mbili ambazo zimeshawasili nakuzinduliwa rasmi jana ,katika kipindi chake kifupi cha uongozi tayari ameishaipatia mahakama kuu fedha  za kuendeshea shughuli zake  ikiwa ni hatua ya kuuboresha muhimili huo.

Mbali na rais, pia kamati ya siasa ya halmashauri kuu ya wilaya, imewapongeza mkuu wa mkoa wa Arusha, Mrisho Gambo  na mkuu wa wilaya ya Arusha, Fabiani Gabriel  Daqarro, kwa kusimamia  utekelezaji wa Ilani ya CCM kutokana na kuwa msitari wa mbele kutatua kero za wananchi jijini Arusha.

Miongoni mwa kero hizo ni pamoja na kuwezesha kulipwa malimbikizo ya madai ya walimu 700 ,ambao wamelipwa  shilingi milioni 169.

Amesema fedha hizo zimelipwa kutokana na agizo la mkuu wa mkoa, Mrisho Gambo, alilolitoa kwenye kikao cha walimu wa shule Septemba 19 mwaka huu kilichofanyika ukumbi wa mikutano ya kimataifa, AICC mjini Arusha.

Tamko limesema agizo hilo limetekelezwa ndaniya siku tano likisimamiwa na mkuu wa wilaya ya Arusha, Daqarro.

Tamko limesema mkuu wa mkoa ameonekana kukerwa na  matumizi yasiyokuwa ya msingi  ambapo aliagiza kubadilishwa  kwa matumizi ya fedha zilizokuwa zikitumika kuwalipa madiwani posho.

Aidha tamko hilo limelaani na kukemea kwa nguvu tamko lililotolewa na meya wa jiji la Arusha,Karisti Lazaro, lililojaa upotoshaji na uchonganishi  kati ya wananchi na serikali  Septemba 20 mwaka huu la mkuu wa mkoa kubadilisha malipo ya posho ya madiwani na badala yake fedha hizo kutumika kuwalipa walimu madeniyao.

Aidha Kamati hiyo ya siasa imefuatilia madai ya Meya, ya  kuhusu watoto waliozuiwa kwenda shule kwa madai wakuu wa shule walienda kwenye kikao na mkuu wa shule hivyo hawakupata masomo siku hiyo na kugundua kuwa ni tuhuma ambazo hazina ukweli.

Tamko hilo limewataka viongozi kuacha kutoa matamko ya kiuanaharakati ambayo yanalenga kuwapatia umaarufu na kuwapotosha wananchi na badala yake watoe matamko yanayohamasisha maendeleo.