TAARIFA TOKA IKULU: RAIS MAGUFULI ATENGUA UTEUZI WA KATIBU MKUU WA WIZARA YA FEDHA.

Rais wa Jamhuri ya Muungano wa Tanzania Dkt. John Pombe Magufuli leo tarehe 31 Agosti, 2016 amemteua Bw. Doto M. James kuwa Katibu Mkuu wa Wizara ya Fedha na Mipango.

Kabla ya uteuzi huo Bw. Doto M. James alikuwa Naibu Katibu Mkuu wa Wizara ya Fedha na Mipango (Sera).

Bw. Doto M. James ataapishwa kesho tarehe 01 Septemba,2016 saa 2:45 Asubuhi Ikulu Jijini Dar es Salaam.

Kufuatia uteuzi huo aliyekuwa Katibu Mkuu wa Wizara ya Fedha na Mipango Dkt. Servacius Likwelile atapangiwa kazi nyingine.

Gerson Msigwa

Kaimu Mkurugenzi wa Mawasiliano, IKULU

Dar es Salaam

                                                        31 Agosti, 2016

BREAKING NEWS: MBOWE ATANGAZA KUAHIRISHA MAANDAMANO YA OPARESHENI UKUTA YALIYOKUWA YAMEPANGWA KUFANYIKA KESHO.

Mwenyekiti wa chama cha Demokrasia na Maendeleo ametangaza kusitishwa kwa maandamano ya Oparesheni UKUTA yaliyokuwa yamepangwa kufanyika kesho nchi nzima.

Mbowe ametoa kauli hiyo ya kuahirisha maandamano mchana huu wakati akiongea na vyombo mbalimbali vya habari.

Amesema sababu kubwa za kuahirisha maandamano hayo ni busara za viongozi wa dini ambao wameiomba Chadema iwape muda wa   kutafuta Suluhu

Mbowe amesema maandamano hayo yameahirishwa hadi Oktoba Mosi

TAASISI YA UDHIBITI WA VIWANGO NCHINI ZIMETAKIWA KUSHIRIKIANA NA TAASISI NYINGINE ILI KUDHIBITI UZALISHAJI NA UINGIZAJI BIDHAA ZILIZO CHINI YA KIWANGO.

TAASISI  zinazojishughulisha  na masuala ya udhibiti wa viwango nchini wameshauriwa kuona namna bora ya  kufanyakazi kwa ushirikiano ili kuweza kudhibiti uzalishaji na uingizwaji wa bidhaa zilizo chini ya viwango nchini .

Ushauri huo umetolewa na Mkuu wa Mkoa wa Tanga Martine Shigella wakati wa ufunguzi wa mkutano wa majadiliano kuhusu uboreshwaji wa utekelezaji wa matakwa ya viwango uliofanyika hapo jana Jijini Tanga.

Alisema kuwa hatua hiyo itasaidia kuweka mazingira mazuri ya kiutendaji yasiyo na muingiliano au mgongano wa kimaslahi ikiwemo kulinda mazingira na kuiepusha jamii na athari za kiafya zitokanazo na utumijai wa bidhaa zisizo na viwango.

“Natambua juhudi kubwa ambazo zimekuwa zikichukuliwa na taasisi kama TBS,TFDA na nyingine nyingi katika swala la udhibiti wa bidhaa hafifu lakini ifike wakati muweze kushirikiana ili kuweza kupata matokeo bora “alisema RC Shigella.

Hata hivyo alizishauri taasisi hizo kuona umuhimu wa kushirikisha taasisi binafsi katika mipango yao ikiwemo wazalishaji wa bidhaa pamoja na waagiza ili waweze kuwa na uelewa mpana wa kudhibiti uwepo wa bidhaa duni hapa nchini.

Kwa upande wake Mwakilishi wa Mkurungenzi mkuu wa Shirika la Viwango Tanzania TBS Kezia Mbwambo alisema kuwa kutoka na changamoto ya uingiaji wa bidhaa duni katika hususani mikoa iliyoko kando kando ya bahari ya hindi ndio imewalazimu kuitisha kikoa hicho kuona namna bora ya kujadiliana na kufikia mwafaka.

Alisema kuwa mikoa ya pwani ndio njia kuu ya kuingilia bidhaa ambazo hazina ubiora na wakati mwingine hata bidhaa ambazo zinazalishwa nchini zilizochini ya viwango inakuwa rahisi kusafirishwa.

“Tunakutanisha wadau ili tuweze kujadili kwa pamoja kwa kutumia fursa zilizopo kwa kufanyakazi pamoja na ilikuweza kupunguza raslimali zilizopo na kuweza kushirikina na katika ukaguzi na udhibiti wa bidhaa duni”alisema Mbwambo.

MKUU WA WILAYA HANDENI GODWEN GONDWE AWATAKA WAKULIMA WA MACHUNGWA KUCHANGAMKIA FULSA YA SOKO LA (EAC)

 Wakulima wa machungwa Kabuku Wilayani Handeni Tanga wakiwa katika semina ya kilimo cha machungwa na halizeti wakati wa kujadili andiko la makabidhiano ya mafanikio wa mradi wa Muunganisho Ujasiriamali Vijijini (MUVI). 

Mkulima wa machungwa Kabuku Handeni Tanga, Rajab Lusewa akizungumza wakati wa warsha la andiko la makabidhiano ya mafanikio wa mradi wa Muunganisho Ujasiriamali Vijijini (MUVI).

Mkulima wa machungwa Kabuku Handeni Tanga, Bakari Mgaza, akizungumza wakati wa warsha la andiko la makabidhiano ya mafanikio wa mradi wa Muunganisho Ujasiriamali Vijijini (MUVI)

HABARI

MKUU wa Wilaya ya Handeni, Godwin Gondwe, amewataka wakulima wa machungwa Wilayani humo kutafuta masoko nje likiwamo soko la pamoja la Afrika Mashariki (EAC) kuepuka kulanguliwa na walanguzi wanaowafuata mashambani.

Akizungumza katika kikao mara baada ya kukabidhiwa mradi wa Muunganisho wa Ujasiriamali Vijijini (MUVI) kwa halmashauri ya Wilaya hiyo, Gondwe alisema wakulima wa machungwa wanashindwa kuwa wakulima wa kisasa baada kushindwa kuthubutu kutafuta masoko nje.

Alisema soko la pamoja na Jumuiya ya Afrika Mashariki lipo lakini wanashindwa kulitumia badala yake wafanyabiashara kutoka nje wanakuja mashambani kwao na kununua bidhaa kwa bei ya hasara.

“Kila mtu ndani na nje ya nchi wanajua kuwa Handeni inalima kilimo cha cha machungwa kwa wingi na wafanyabiashara huja, ila niwaambieni kuwa munalanguliwa kwa woga wa kwenda kutafuta masoko ” alisema Gondwe na kuongeza

“Soko la pamoja lipo wazi bila vikwazo vyoyote sasa ni kitu gani kinachotufanya kushindwa kulitumia na kuwaachia wenzetu kuja kwetu na kutulangua kwa bei ya kutupa hebu jamani tuondoe woga na tuwe tayari” alisema

Pia aliwataka wakulima kuacha woga na badala yake kuwa tayari kutafuta masoko ndani na nje ya nchi na kuwa wakulima wakubwa na kuacha kulanguliwa na wafanyabiashara mashambani hii ni fulsa changamkieni.

Akizungumza katika kikao hicho Mwenyekiti wa Wafanyabiasha wa Machungwa Segera, Hussein Diamballa, aliwataka wafanyabiashara hao kuacha kuuza machungwa yaliyopepewa na kusema kuwa kufanya hivyo kunaondosha sifa ya machungwa kituoni hapo.

Alisema kuna wachuuzi ambao wamekuwa wakiuza machungwa yaliyopepewa na kuchanganya mabovu na hivyo kuwataka kuacha kufanya hivyo kwani watafanya ukaguzi wa mtu mmoja mmoja.

Alisema umoja huo uko mbioni kusajili wanachama ambao utakuwa na utaratibu wa kutoa namba na sare hivyo kuwataka kufanya biashara ya halali na kuacha udanyanyifu.

“Tunataka kuondosha ile dhana ya kituo chetu kuuza machungwa ya kupepea na kubambika mabovu, hii inatuletea sifa mbaya wakati hapa tunalima machungwa mazuri yenye maji mengi” alisema Diambala

Aliwataka wafanyabiashara hao kuwafichua wachuuzi wenye kufanya udanganyifu na kuwaletea sifa mbaya kwa wateja katika kituo cha magari yaendayo Mikoani kawani wanaweza kuuwa soko ambalo wanaweza kuuza na kupata mitaji na kuwa wafanyabiashara wakubwa.