MKUU WA MKOA AAGIZA UKUSANYAJI MAPATO WA KIWANGO CHA JUU MKOANI TANGA

Mkuu wa Mkoa wa Tanga Martin Shegela amewataka Wakurugenzi na Wakuu wa Wilaya zote za mkoa wa Tanga kuanza mara moja kutumia mshine za kilelektroniki katika ukusanyaji wa mapato na ili kuthibiti udanganyifu katika Hamashauri zao.

Akizungumza katika kikao kazi na wakuu wa wilaya, wakurugenzi, na wakuu wa idara zote za mkoa wa Tanga kilichofanyika leo kwenye ukumbi wa Halmasauri ya jiji la Tanga kwa kwa lengo la kutambua changamoto zilizopo katika kufikia lengo la ukusanyaji wa mapato, Mkuu wa mkoa amasema ni lazima kujituma na kufikia malengo kwa kuhakikisha matumizi sahihi ya mashine za kilelektroniki, kama linavyoekelea agizo lililo tolewa na Rais wa Jamuhuri ya Muungano wa Tanzania Dkt John Pombe Magufuli.

Amesema Wakuu wote wa idara mkoani hapa wanapaswa kulenga ukusanyaji wa mapato wa kiwango cha juu, kwa Halmashauri kutumia mashine hizo za kielektroniki kwani kwa kutumia mashine hizo wataweza kuepuka upotevu, kwa kila kinachokusanywa na anayekusanya kuoneshwa kupitia mashine hizo.

Naye mkurugenzi wa jiji la Tanga Bw Daudi Mayeje ametoa maelekezo ya namna ya kutumia mshine ambazo idara za jiji la Tanga zimeanza kuzitumia na kusema kuwa mfumo huo unaonesha mafanikia makubwa ya ukusanyaji wa mapato.