WATUMISHI WA JESHI LA ZIMAMOTO NA UOKOAJI NCHINI WACHANGIA DAMU SALAMA

Kamishna Jenerali wa Jeshi la Zimamoto na Uokoaji Thobias  Andengenye akihutubia Maafisa, Askari na watumishi wote wa  Jeshi hilo wakati akifungua zoezi la uchangiaji damu salama ambalo lilishirikisha vituo vyote vya Zimamoto mikoani, ufunguzi huo ulifanyika katika viwanjwa vya Zimamoto na uokoaji mkoa wa Ilala.

Kamishna Jenerali wa Jeshi la Zimamoto na Uokoaji Thobias  Andengenye akichangia damu katika zoezi lililofanyika viwanja vya kituo cha Zimamoto na Uokoaji mkoa wa Ilala zoezi lililoshirikisha vituo vyote vya Zimamoto mkoa wa Dar es Salaam.

Maafisa, Askari na watumishi wote wa Jeshi la Zimamoto na Uokoaji kutoka katika vituo vya Zimamoto Makao Makuu, Chuo, Ilala, Kinondoni, Temeke na uwanja wa ndege wa kimataifa wa Julius Nyerere wakimsikiliza Kamishna Jenerali wakati akihutubia katika ufunguzi wa zoezi la uchangiaji Damu salama lililofanyika katika viwanja vya Zimamoto mkoa wa Ilala.

Kamishna Jenerali wa Jeshi la zimamoto na uokoaji Thobias Andengenye amewaongoza viongozi waandamizi, maafisa, askari na watumishi wote wa jeshi hilo katika zoezi la uchangiaji damu salama ili kutimiza dhima ya kuokoa maisha ya watu wanaopoteza maisha kwa ajali za moto, ajali za barabarani, vifo vya mama wajawazito wanaopoteza damu nyingi wakati wa kujifungua na magonjwa mbalimbali kama vile ukimwi, malaria, anaemia na kansa.

 

Zoezi hili limefanyika katika viwanja vya kituo cha jeshi la zimamoto na uokoaji mkoa wa ilala  kwa kushirikiana na taasisi ya mpango wa damu salama ulio chini ya wizara ya afya maendeleo ya jamii, jinsia watoto na wazee.

MASHINDANO MISS TANGA 2016 YAFUNIKA KWA UZURI NA AISHA ALLY KUIBUKA MISS TANGA 2016.

Navy Kenzo awakivutio katika miss Tanga 2016 na wimbo kamata chini kamatia chini.  

 Warembo 10 walioshiriki miss Tanga mwaka 2016 katika vazi la usiku.

Walioibuka katika tano bora Miss Tanga 2016.

Miss Talent 2016 ni Edina Kisabo aliyekuwa mshiriki no 6. 

 Miss Tanga mwaka 2016 ni Aisha Ally ambaye alikuwa mshiriki no 3.

   Huyu ndiye Aisha Ally Miss Tanga 2016 aliyeng'ara usiku wa leo.

MBUNGE WA TANGA MUSSA MBARUKU ANAPATA KINYWAJI ASILI.

 Mbunge wa Tanga Mussa Mbaruku akibadilishana mawazo na baadhi ya wakazi wa Jiji la Tanga na kupata kahawa maeneo ya Chumbageni Jijini hapa.

Mbunge Mussa Mbaruku akifurahia kitu katika mazungumzo.

 Mbunge wa Tanga Mussa Mbaruku akipata kahawa na ndizi na kubadilishana mawazo na vijana eneo la Chumbageni.

MTANZANIA ANAYETESWA NA MCHINA YAMPELEKA MWIGULU GEITA .

Waziri wa mambo ya ndani ya nchi, Mwigulu Nchemba amewasili mkoa wa Geita kwa ziara ya kikazi, kubwa ikiwa ni kufuatia taarifa za mateso na mauaji yaliyodaiwa kufanywa na raia wa China wanaomiliki sehemu ya mgodi wa Nyamhuna uliopo Katoro, Geita dhidi ya wafanyakazi/vibarua ambao ni Watanzania.

Takribani wiki moja sasa kumekuwa na  hali ya sintofahamu dhidi ya picha zinazoenezwa mitandaoni na kwenye vyombo vya habari zikionesha raia wa Tanzania anayefanya kazi kwenye mgodi tajwa akiteswa na kufanyiwa vitendo ya kinyama na mwajili wake ambaye ni raia wa china.

Ilimlazimu Waziri mwenye dhamana na usalama wa raia na mali zao kupitia Wizara ya Mambo ya Ndani  ya Nchi kufika eneo la mgodi kujiridhisha kwa taarifa zilizotapakaa na kubeba simanzi kwa Watanzania.

Mwigulu Nchemba amejiridhisha kuwa kulikuwepo na tukio hilo la Mtanzania kuteswa na mwajiri wake, kipigo kilichosababisha kupoteza fahamu na siyo kifo.

Hatua za awali Waziri Nchemba alizozifanya ni kwenda gereza la Geita mjini alikohifadhiwa kijana huyo kwa madai ya kushitakiwa na mwajiri wake kwa kosa la wizi lililosababishwa apigwe.

Katika mahojiano ya Waziri Mwigulu Nchemba na kijana huyo, Mwigulu alibaini kuwa kijana huyo aliyepo gerezani ndiye mhusika hasa wa tukio lile kwa uthibitisho wa makovu yaliyopo mwili mwake na mavazi aliyovalia wakati anateswa na akiwapo gerezani.

Katika hali hiyo, ilimlazimu, Mhe. Mwigulu kwenda mgodini akiwa ameambatana na kijana huyo kwa ajili ya kutambua waliofanya vitendo hivyo vya kinyama. 

Katika oparesheni hiyo, kijana aliyeteswa na kujeruhiwa aliwabaini Watanzania 5 ambao ni walinzi wa eneo hilo na Mchina mmoja walioshirikiana kumpiga, kumtesa na kumjeruhi.

Kufuatia utambuzi huo na maelezo ya wahusika, Nchemba akaagiza wahusika wakamatwe mara moja na akaondoka nao kwa hatua zaidi za kisheria.

Katika hali nyingine ya kusikitisha, Waziri Nchemba amebaini uwepo wa wahamiaji haramu raia wa China katika mgodi huo ambapo nyaraka za uhamiaji mkoa wa Geita zinaonesha raia 28 wenye vibali ndio waliruhusiwa kukaa kwenye mgodi huo, lakini katika operasheni ya kushitukiza aliyoifanya Mhe. Nchemba amebaini uwepo wa raia wa china zaidi ya 50 wanaoishi katika mgodi huo kinyume na sheria.

Hivyo amemuagiza Mkuu wa Mkoa na timu yake ya uhamiaji kuhakikisha wote wasio na vibali wanakamatwa na kuchukuliwa hatua za kisheria

DAMPO LA KATA YA MZINGANI MKOANI TANGA LAWAKERO KWA WANANCHI.

 

Wakazi wa kata ya Mzingani wameiomba  Halmashaul ya Jiji la Tanga kuwaondolea taka kwa wakati katika Dampo lililopo jirani na makazi yao kwani linaweza kuwasababishia magonjwa ya mlipuko.

Akizungumzia kero hiyo Mwenyekiti wa Mtaa wa Mzingani Muhamed Kalua alisema Dampo hilo ambalo liko jirani na Makaburi halithaminiwi na viongozi wa Jiji hilo na halizolewi takataka kwa wakati kiasi kwamba linawatesa wananchi wa Mtaa huo.

Naye Mwenyekiti wa mtaa Kalua alifika Halmshauri na kuzungumza na viongozi nao walimwahidi kulifanyia kazi Dampo hilo ndani ya siku kadhaa na mpaka sasa hakuna kilichofanyika.

Wakazi wa Mtaa wa Mzingani  wanaokaa jirani na Dampo hilo  wameomba viongozi wa Jiji kulihamisha Dampo hilo kwani liko jirani makazi yao pia linachafua  ya eneo la makaburi tulipozikia ndugu zetu.
 

Pia Sauti yetu wanatanga ilifanya jitihada za kutafuta kiongozi wa Jiji  ilikuweza kupata ufafanuzi wa swala hilo na kumpata Meya wa Jiji Tanga Mustafa Mhina ambaye alisema ipo changamoto kubwa ya Madampo katika Jiji la Tanga na mpaka sasa tunajitahidi kukabiliana nalo ili kuhakikisha taka zilizopo kwenye Madampo zinazolewa.

Meya wa Jiji la Tanga Mustafa Mhina amewataka wananchi na wakazi wa kata ya Mzingani kuwa wavumilivu kwani kwasasa Halmashaul  ya Jiji imeshapokea vifaa vya usafi mara kibali kitakapo tolewa vitaanza kazi.