VIONGOZI HALMASHAURI YA MKINGA WAWEKA NGUVU YA PAMOJA KUPAMBANA NA CHANGAMOTO YA UTORO MASHULENI PAMOJA NA MIMBA.

Wanafunzi wa shule ya msingi kasera wakitumbuiza katika sherehe za Juma la elimu Wilayani Mkinga

Mgeni Rasmi Kaimu Mkurugenzi wa Halmashauri ya Mkinga Omari Kombo akiapokea maelekezo ya jinsi ya kutengeneza sabuni kutoka kwa wanafunzi wa shule ya Sekondari Mtimbwani

 Katibu –Tume ya Utumishi wa Walimu Wilaya ya Mkinga Thomas Mnkande akizungumza na wananchi pamoja na wanafunzi katika mahadhimisho ya Juma la Elimu iliyofanyika Kijijini  na Shule ya Mtimbwani

Kaimu Afisa Elimu Sekondari Wilaya ya Mkinga Rose Kinyamagoha akitoa taarifa fupi ya Elimu kwa mwaka wa 2016-2017 Wilaya ya Mkinga

Mgeni rasmi Kaimu Mkurugenzi wa Halmashauri ya Mkinga Omari Kombo akiongea na Wazazi na Wanafunzi wa Shule na Kijiji cha Mtimbwani katika sherehe ya Juma la Elimu iliyofanyika Kiwilaya katika Shule ya Mtimbani.

TANGA: 
WILAYA ya Mkingi ni kati ya wilaya 8 za mkoa wa Tanga,katika Halmashauri ya Wilaya ya hiyo inajumla ya shule za Sekondari 15 za Serikali na shule za msingi 80 na shule 1 ya msingi ya binafsi.

Katika matokeo ya mtihani wa kumaliza elimu ya msingi kwa mwaka 2016 Wilaya ya Mkinga haikufanya vizuri kulinganisha na miaka iliyopita ambayo ufaulu wake ulikuwa 44.2% hivyo Wilaya imejiwekea mikakati itakayo saidia kuinua ufaulu katika Wilaya hiyo.

Katika Juma la elimu Wilayani Mkinga iliyohazimishwa katika kijiji cha Mtimbwani viongozi wa Wilaya hiyo wamenia mamoja kukabiliana na changamoto inayoikabili sekta ya elimu kwa kushirikisha wazazi pamoja na jamii kwa ujumla ili kutatua changamoto za elimu kwani kwasasa Mtu yoyote anayesababisha mtoto kukosa elimu ni Muuaji.

Akizungumza katika maadhimisho hayo kaimu Mkurugenzi Halmashauri ya Mkinga Omary Kombo amesema changamoto kubwa inayoikabili sekta ya elimu wilayani humo ni utoro, mimba, na ushirikiano hafifu wa wazazi na walimu, ushirikiano wa Serikalia za vijiji na kata hali inayosababisha ugumu katika kudhibiti watoto watoro.

Kombo amesema wilaya hiyo inakabiliwa na upungufu wa miundombinu ya shule hususani ni vyumba vya madarasa 741 na matundu ya vyoo 1340 pamoja na nyumba za walimu 669 hivyo ameiomba jamii kushirikiana na Halmashauri kuhakikisha wanapunguza changamoto zanazokabili sekta hii.

Pia Kombo amesema kwasasa Halmashauri imejipanga kukabiliana na changamoto ya Mimba kwa wanafunzi kwa kujenga hostel katika shule mbili za Sekondari ili kufwatilia taaluma mara kwa mara na kuwafanya wanafunzi kuepuka vishawishi.

Kwa upande wake Katibu wa tume ya utumishi wa walimu Wilaya ya Mkinga Thomas Mnkande amesema kwa sasa wamejipanga kukabiliana na upungufu wa walimu kwani kwa sasa wana upungufu mkubwa walimu wa Sayansi kwa shule za Sekondari na wilaya imepokea walimu 12 lakini bado uhaba upo.

Mnkande ameiomba Serikali ikumbuke Wilaya ya Mkinga Kwa kuwapatia Walimu wa Sayansi ili kuhakikisha elimu bora inamfikia kila mtoto kwani Elimu bora ni haki ya mtoto.

Naye mmoja wa wazazi Fortnata Chande kutoka kijiji cha Kasera  ameishukuru Serikali ya awamu ya tano kwa sera yake ya elimu bure kwani imewapunguzia mzigo wananchi wake na pia usawa katika maisha tumeuona.

Chande amesema kwa sasa wazazi inatupasa kuwa karibu na walimu pia kujitahidi kuwanunulia watoto wetu mavazi ya shule, viatu ,madaftari na begi ya kubebea daftari na kuhakikisha watoto wanakwenda shuleni kwani serikali inatoa elimu bora kwa watoto hadi ukomo wa uwezo wao.
                            

                                        MWISHO