JESHI LA POLISI MKOA WA TANGA KUENDELE NA OPERESHENI MAALUM YA USALAMA BARABARANI. KWA

Pikipiki zilizokamatwa kwenye Operesheni ya usalama barabarani iliyoanza jumamosi tarehe 22

Kamanda wa Polisi Mkoa wa Tanga Benadicti Wakulyamba akitoa taarifa ya Operesheni ya usalama barabarani upande wa Pikipiki kwa waandishi wa habari wa vyombo mbalimbali katika kituo cha Polisi Usalama barabarani Mabawa Jijini Tanga kwenye picha nyuma ni pikipiki zilizokamatwa katika Operesheni hiyo.

TANGA:

JESHI la Polisi Mkoa wa Tanga yaendesha Operesheni ya kudhibiti makosa usalama barabarani upande wa waendesha pikipiki iliyoanza tarehe 22/aprili mwaka huu inayoendelea mpaka sasa na kufanikiwa kukamata pikipiki zenye makosa mbalimbali.

Akitoa taarifa kwa vyombo vya habari kamanda wa polisi mkoa wa Tanga Benedict Wakulyamba amesema idadi ya pikipiki zilizokamatwa ni 225 kwa makosa  yafuatayo:

Pikipiki zenye ubovu zilikuwa 50, Pikipiki ambazo hazikuwa na helment ni 58 , Pikipiki moja ilizidisha abiria(kutunga mshikaki) Pikipiki 74 madereva wake hawakuwa na D/licence.

Kamanda Wakulyamba amesema zipo hatua mbalimbali ambazo zimechukuliwa ikiwa ni kufikishwa mahakamani na mpaka sasa wamiliki 19 wamefikishwa Mahakamani  na wengine 15 kulipa fain na zoezi likiwa bado linaendelea kwa mkoa mzima.

Pia kamanda Wakulyamba amesema Pikipiki 33 zimekamatwa kwa makosa yanayohusiana na Mamlaka ya Mapato (TRA) na mpaka sasa pikipiki 184 bado zinashikiliwa na polisi kwa Wilaya ya Tanga.

Jeshi Polisi mkoa linaendeleza zoezi hili, kwa kila Wilaya na Operesheni hii itahusisha vyombo vyote vya usafiri kwani kwasasa ajali za barabarani zimekua kero kwa watembeaji kwa miguu na watumiaji wa vyombo vya moto.

“Wito umetolewa na kamanda wa Polisi mkoa wa Tanga Benedict Wakulyamba kwa kuwataka watumiaji wa barabara kufuata sheria za usalama barabarani na kutii sheria bila shuruti”.