SIKU CHACHE KUELEKEA MASHINDANO YA TANGA CITY MARATHON WANANCHI WAKARIBISHWA KUSHUHUDIA MASHINDANO YA KWANZA YA MBIO MKAONI TANGA..

Mratibu wa Tanga City Marathon Juma Mwajasho wakatikati akitoa taarifa ya kukamilika kwa maandalizi ya mbio hizo kwa waandishi wa Habari wa vyombo mbalimbali.

Viongozi na wasimamizi wa Tanga City Marathon wakiwa katika ukumbi wa Mkwabi super market wakati wa kikao pamoja na waandishi wa habari.

TANGA.

Zaidi ya Wanariadha 300 wamejitokeza kujiandikisha katika mashindano ya Tanga City Marathon yanayotarajiwa kufanyika April 15 Jijini Tanga.

Akizungumza na waandishi wa habari Juma Mwijasho amesema bado wanapokea washiriki mpaka siku ya ijumaa tareha kumi na nne saa tano usiku hivyo wananchi waendelee kujitokeza kwani mashindano haya ni ya kwanza kwa mkoa huu.

Pia amesema hadi sasa wameandikisha wanariadha kutoka mkoa mbalimbali ya nchi hii ikiwemo Arusha, Dare s salaam, Manyara, Mbeya na wengine kutoka mtwara.

Kwa upande wake Meneja wa Mkwabi Kaukap Hussen amesema anawashukuru wadau mbalimbali waliofanikisha maandalizi ya mashindano hayo na kwamba kwa sasa yamekamilika.

“Amesema Mashindano hayo yaliyodhaminiwa na wadau mbalimbali yataanzia katika jengo la Mkwabi super market yatakuwa  ni ya kilometa 21, 10 na kilometa 5 ambapo yataishia katika viwanja vya mkwawani” Amesema Kaukap.

Akizungumzia swala zawadi Kaukap amesema kwa mshindi wa kwanza wa mbio za kilometa 21 atakabidhiwa shilingi milioni moja huku mshindi wa pili atapata shilingi laki saba,mshindi wa 3 atapata laki 5 na wengine watapata medali.

Naye mkurugenzi wa matukio na uandaaji Nassoro Makau amesema kwamba burudani mbalimbali zitakuwepo katika viwanja vya mkwakwani huku akiwataka wananchi kujitokeza kwa wingi kuwa tia moyo.

“ Nitowe wito kwa nanchi wa Tanga kujitokeza katika maeneo ambapo wanariadha hao watapita ili kuwashangilia naamini italeta hamasa na kuwatia nguvu wanamichezo wetu” alibainisha Makau

           

                                                MWISHO.