BODI YA KOROSHO TANZANIA YATOA ELIMU KWA WAKULIMA WA KOROSHO MKOA WA TANGA.

 Mkuu wa Mkoa wa Tanga Martin Shigela akipanda mche wa mkorosho katika mafunzo kwa wakulima wa korosho kutoka Wilaya sita za Mkoa wa Tanga.

Wakulima wa korosho kutoka Wilaya ya mbalimbali za mkoa wa Tanga wakiwa katika mafunzo ya Kilimo cha korosho yanayoendeshwa na Bodi ya Korosho Tanzania na kufanyika katika Chuo cha Kilimo Mati Mlingano Mkanyageni Wilayani Muheza
  

TANGA:
MKUU wa Mkoa wa Tanga, Martin Shigela, amewapiga marufwakulima  kutumia madalali katika uuzaji wa mazao yao na kuagiza   bodi ya Korosho Tanzania tawi la Tanga, kuhakiksha lengo la Serikali la kuzalisha tani laki tano za korosho ifikapo mwaka 2025.

Akifungua mafunzo ya siku tatu kwa wakulima wa zao la korosho katika  Chuo Cha Kilimo Mati Mlingano Wilayani Muheza Mkoani Tanga  na kuwashirikisha maofisa ugani pamoja na wataalamu wa kilimo cha korosho , Shigela amesema Serikali imeiagiza bodi ya korosho kugawa miche ya korosho kwa kila kaya.

Shigela amewataka wananchi  na wakazi wa mkoa wa Tanga kujikita katika  uchumi kwa kilimo kwa kuitumia ardhi yao kwa kulima korosho kwani soko lake linakuwa kila siku ndani  na nje ya nchi.

“Kama bodi ya korosho Tanga  itatekeleza agizo la Serikali kuhakikisha inagawa miche kila kaya miaka mitano ijayo kila mkulima atakimbilia kilimo cha korosho” alisema Shighela.

Shigela amesema Tanga tuna ardhi nzuri inayofaa kwa kilimo cha korosho hivyo hatuwezi kushindwa na wenzetu ambao hawana ardhi  kama  ya kwetu,  hivyo tuhakikishe tunaitumia vizuri ili ilete manufaa kwa jamii  na kuhakikisha  kilimo cha korosho hapa mkoani kinakuwa juu na kila mmoja ananufaika” alisema

Mkuu wa mkoa wa Tanga amewataka wakulima kufuata miongozo ya wataalamu walioko kila Wilaya  ili kilimo chao kiwe na tija na kusema kuwa soko lipo hivyo kuongeza bidii kwenye kilimo.

Kwa upande wake, Kaimu Meneja Bodi ya Korosho Tawi la Tanga, Frenk Mfutakamba, amesema wamefikia asilimia 80 ya usambazaji wa miche ya mkorosho kwa kugawa bure kwa wakulima.

Bodi ya Korosho itahakikisha inagawa miche mipya kila kaya ili kuweza kufikia malengo ya Serikali kuzalisha tani laki tano ifikapo mwaka 2025.

Naye mkulima wa kilimo cha korosho Mkanyageni Wilayani Muheza, Zaidu Ramadhani ameitaka bodi ya Korosho Tanzania kuwasogezea karibu maduka ya pembejeo za kilimo.

Ramadhani amesema huwa wanasafiri kwenda Dar es Salaam kufuata pembejeo kwa gharama kubwa hivyo kutaka kuwasogezea ikiwa na pamoja na kupunguza gharama za ununuaji wa bidhaa za kilimo.