JESHI LA POLISI LAFANIKIWA KUKAMATA SILAHA YA KIVITA.

Jeshi  la Polisi Mkoani Tanga limefanikiwa kukamata bunduki ya kivita aina ya AK47 iliyokuwa na risasi 37 .

Akionyesha  silaha hiyo kwa waandishi wa habari,  Kamanda wa Polisi Mkoa Tanga, Leonard Poul, alisema  katika ukaguzi wa magari  kizuizi cha  Chekelezi Wilayani Korogwe na mtu anaedhaniwa kuwa Jambazi aliefahamika kwa jina la Benjamin Wales alikuwa amebebe  silaha hiyo

katika begi akisafiri kutoka Karatu kuelekea Dar es Salaam.

Jambazi hilo liliuwawa na polisi wakati aliporuka kwenye gari kujaribu kuwatoroka.

Jeshi la polisi Mkoani Tanga limeongeza ulinzi na operesheni kukabiliana na watumiaji silaha bila kibali ,uhalifu, upitishaji wa wahamiaji haramu na bidhaa za magendo.

Jeshi hilo limefanikiwa kukamata silaha na watuhumiwa wa uhalifu wa matukio mbalimbali ya uvunjifu wa amani.

Pia kamanda amewataka wananchi na wakazi wa Mkoa wa Tanga kutoa taarifa za kufichua vitendo viovu katika jamii.